Read Psalms chapter 47 in Tagalog on Bible for Hope.
1 Oh ipakpak ang inyong mga kamay ninyong lahat na mga bayan; magsihiyaw kayo sa Diyos ng tinig ng pagtatagumpay.
2 Sapagka’t ang Panginoong kataastaasan ay kakilakilabot; siya’y dakilang Hari sa buong lupa.
3 Kaniyang pasusukuin ang mga bayan sa ilalim natin, at ang mga bansa sa ilalim ng ating mga paa.
4 Kaniyang ipipili tayo ng ating mana, ang karilagan ni Jacob na kaniyang minahal. (Selah)
5 Ang Diyos ay napailanglang na may hiyawan, ang Panginoon na may tunog ng pakakak.
6 Kayo’y magsiawit ng mga pagpuri sa Diyos, kayo’y magsiawit ng mga pagpuri: kayo’y magsiawit ng mga pagpuri sa ating Hari, kayo’y magsiawit ng mga pagpuri.
7 Sapagka’t ang Diyos ay Hari ng buong lupa: magsiawit kayo ng mga pagpuri na may pagunawa.
8 Ang Diyos ay naghahari sa mga bansa: ang Diyos ay nauupo sa kaniyang banal na luklukan.
9 Ang mga pangulo ng mga bayan ay nangapipisan upang maging bayan ng Diyos ni Abraham; sapagka’t ang mga kalasag ng lupa ay ukol sa Diyos; siya’y totoong bunyi.