Read Psalms chapter 43 in Tagalog on Bible for Hope.
1 Hatulan mo ako, Oh Diyos, at ipagsanggalang mo ang aking usap laban sa masamang bansa: Oh iligtas mo ako sa magdaraya at hindi ganap na tao.
2 Sapagka’t ikaw ang Diyos ng aking kalakasan; bakit mo ako itinakuwil? Bakit ako yumayaong tumatangis dahil sa pagpighati ng kaaway?
3 Oh suguin mo ang iyong liwanag at ang iyong katotohanan; patnubayan nawa nila ako: dalhin nawa nila ako sa iyong banal na bundok, at sa iyong mga tabernakulo.
4 Kung magkagayo’y paparoon ako sa dambana ng Diyos, sa Diyos na aking malabis na kagalakan: at sa alpa ay pupuri ako sa iyo, Oh Diyos, aking Diyos.
5 Bakit ka nanglulumo, Oh kaluluwa ko? At bakit ka nababagabag sa loob ko? Umasa ka sa Diyos: sapagka’t pupuri pa ako sa kaniya, na siyang kagalingan ng aking mukha, at aking Diyos.