Read Psalms chapter 6 in Cebuano on Bible for Hope.
1 Oh Yahweh, ayaw ako pagbadlonga diha sa imong kapungot, Ni pagcastigohon mo ako diha sa imong mainit nga kaligutgut.
2 Malooy ikaw kanako, Oh Yahweh; kay nalaya ako: Ayohon mo ako, Oh Yahweh, kay ang akong mga bukog nangatay-og.
3 Ang akong kalag usab nagubot sa hilabihan gayud: Ug ikaw, Oh Yahweh, hangtud ba anus-a?
4 Bumalik ka, Oh Yahweh, luwasa ang akong kalag: Luwason mo ako tungod sa imong mahigugmaong-kalolot.
5 Kay diha sa kamatayon walay paghandum mahitungod kanimo: Kinsa ba ang magapasalamat kanimo didto sa Sheol?
6 Gikapuyan na ako sa akong pagagulo: Sa matag-gabii ginapalunopan ko ang akong higdaanan; Ang akong kama ginabisibisan ko sa akong mga luha;
7 Ang akong mata namad-an na tungod sa kaguol; Nahalap kini tungod sa tanan ko nga mga kaaway.
8 Pahalayo kanako, ngatanan kamo nga mamumuhat sa kasal-anan: Kay si Yahweh nagpatalinghug sa tingog sa akong paghilak.
9 Si Yahweh nagpatalinghug sa akong pagpangaliyupo; Si Yahweh magadawat sa kong pag-ampo.
10 Mangaulaw ug mangalisang sa hilabihan ang tanan ko nga mga kaaway: Sila motalikod, sila pagapakaulawan sa kalit gayud.