Read Psalms chapter 29 in Cebuano on Bible for Hope.
1 Ihatag ninyo kang Yahweh, Oh kamo nga mga anak sa gamhanan, Ihatag ninyo kang Yahweh ang himaya ug ang kusog.
2 Ihatag ninyo kang Yahweh ang himaya nga angay sa iyang ngalan; Simbaha ninyo si Yahweh sa katahum sa pagkabalaan.
3 Ang tingog ni Yahweh anaa sa ibabaw sa mga tubig: Ang Dios sa himaya nagadalugdug, Bisan si Yahweh sa ibabaw sa daghang mga tubig.
4 Ang tingog ni Yahweh gamhanan, Ang tingog ni Yahweh napuno sa pagkahalangdon.
5 Ang tingog ni Yahweh nagapukan sa mga cedro; Oo, gipulpog ni Yahweh ang mga cedro sa Libano.
6 Ug gipalukso niya sila sama sa mga nati nga vaca; Ang Libano ug ang Sirion sama sa usa ka nating vaca nga ihalas.
7 Ang tingog ni Yahweh nagapabilin sa mga siga sa kalayo.
8 Ang tingog ni Yahweh nagauyog sa kamingawan: Si Yahweh nagauyog sa kamingawan sa Cades.
9 Ang tingog ni Yahweh nagapahamugso sa mga lagsaw nga baye, Ug gihukasan niya ang mga kalasangan: Ug sa sulod sa iyang templo ang tagsatagsa ka butang nagaingon: Himaya.
10 Si Yahweh milingkod ingon nga Hari ibabaw sa Lunop; Oo, si Yahweh nagalingkod ingon nga hari sa walay katapusan.
11 Si Yahweh magahatag ug kusog sa iyang katawohan: Si Yahweh magapanalangin sa iyang katawohan sa pakigdait.