Read Psalms chapter 146 in Cebuano on Bible for Hope.
1 Dayegon ninyo si Yahweh. Dayega si Yahweh, Oh kalag ko.
2 Samtang buhi pa ako magadayeg ako kang Yahweh: Magaawit ako ug mga pagdayeg sa akong Dios samtang buhi pa ako.
3 Ayaw pag-ibutang ang inyong pagsalig sa mga principe, Ni sa anak nga lalake sa tawo, nga kaniya walay panabang.
4 Mogula ang iyang gininhawa, sa yuta siya mobalik; Nianang maong adlaw mahanaw ang iyang mga hunahuna.
5 Malipayon siya nga anaa kaniya ang Dios ni Jacob alang sa iyang panabang, Kansang paglaum anaa kang Yahweh nga iyang Dios:
6 Siya nga nagbuhat sa langit ug sa yuta, Sa dagat, ug sa tanan nga anaa kanila; Nga mao ang nagabantay sa kamatuoran sa walay katapusan;
7 Siya nga nagabuhat sa justicia sa mga dinaugdaug; Siya nga nagahatag sa makaon sa mga gigutom. Si Yahweh nagapagawas sa mga binilanggo;
8 Si Yahweh nagapabuka sa mga mata sa mga buta; Si Yahweh nagapabangon kanila nga nanghiumod; Si Yahweh nahigugma sa mga matarung.
9 Si Yahweh nagabantay sa mga dumuloong; Siya nagasapnay sa mga ilo ug sa mga balo nga babaye; Apan ang dalan sa mga dautan iyang gituali.
10 Si Yahweh magahari sa walay katapusan, Ang imong Dios, Oh Sion, ngadto sa tanang mga kaliwatan. Dayegon ninyo si Yahweh.